話說Unwire出咗個試玩派對,名額有60個先到先得.
隨時贏走 Galaxy S9+！csl x Samsung 2018 旗艦手機 Galaxy S9|S9+ 試玩派對
https://unwire.hk/2018/03/02/csl-samsung-s9/site_news/
因為我用咗inoreader, 呢個post出咗兩個鐘我就喺 inoreader個軟件見到.
https://blognorule.blogspot.hk/2017/12/inoreader.html
同埋活動有機會贏到Galaxy S9+, 最後畀人贏咗, 玩遊戲要打電話去一個佢即場公報既號碼,打電話唔夠人快.
恭喜中咗獎嘅人, 打電話咁快, 咁有效率抵你有獎攞.
自己已經捉心理打定電話6字開頭, 因為佢拎得出嚟畀大家打電話嘅號碼一定係為活動而準備嘅號碼, 九成九係6字開頭!
自己事後先覺得白痴咗, 佢個遊戲玩法一講打電話嘅時候自己應該轉做3G network, 打電話應該快過用4G VOIP.
死人Unwire竟然冇兩大台柱出現, 雞蛋妹同埋娜姐! 是但一個都好吖,失望!
講返部Galaxy:
-做工其實係好過iPhone, 邊位係做得好冇介手, Samsung其實做硬件係唔錯.
-嚴重批評香港三星, 細機S9只係有容量64gb, 大機S9+ 容量有64gb 128gb 256gb. 其他國家S9有 128gb 256gb.
我最想買嘅S9 256gb 香港冇得賣, 問咗三星嘅主持人, 佢好禮貌咁樣話聽到我嘅意見, 會同公司反映. 但佢表示咗香港人比較鍾意大機(依家先知,之前以為一半半), 眼神再流露出"公司決定".
死鬼咗嘅蘋果教主喬布斯就深明此道, 手機嘅畫面應該去遷就一個細嘅螢幕去做設計.依家啲手機玩下手都去到六吋長, 完全係走火入魔壞風氣.
我亦唔明白香港人點解咁迷戀大機, 手機我覺得最緊要短小精幹, 想要大畫面何必不用iPad? 如果平時帶袋+手機放袋, 咁我覺得要大機都無可厚非. 希望啲人快啲明白電話嘅大細先至係關鍵重要, 能夠單手操控嘅電話係效率嘅根源. 畫面大其實對睇戲嘅爽快感係有提升, 不過如果你係手機入褲袋嘅褲袋黨, 你每一秒都係一個唔好嘅體驗.
真人真事, 有個朋友買iphone揀大機, 我一早同佢講咗男人用細機係最好, 佢就答我睇Email方便所以揀大機, 結果佢就係因為買咗大機, 習慣咗坐低嘅時候將部電話擺喺枱面, 部電話就留低咗喺機場, 最後佢返嚟香港就轉咗iPhone細機.
-相機光圈有得較大細係非常屈機嘅事情, 其實都唔使啲咩測評都知道一定好過iphone X, S9有得調較光圈, 工程師就好容易調教到一個好嘅相機參數. S9背面單鏡頭,s9 plus背面雙鏡頭. 只有主鏡頭先有變換光圈.
- 防水, 不過唔好諗住攞去游水, 因為喇叭係一個入水位, 現今普遍技術係有一層薄膜防水, 水壓大啲就會有機會入水, 嗰啲成部機浸入水嘅youtube片係示範, 自己用就真係唔好試, 純粹叫做有好過冇咁解!
- S9其實對比S8都冇乜野極大嘅升級, 用緊Galaxy s8嘅其實可以考慮不用升級.
總結,屋企有人用緊嘅Galaxy s8 想轉iPhone 8, 所以打算我買部iPhone 8畀佢用, 我就用佢部Galaxy S8( 自己用緊Galaxy S7)
留言
張貼留言