冇運投資法@打機80哥

投資最重要的事情是了解政治, 比分析圖表及分析公司更為重要. 昨日立法會補選, 小弟當然票投民主派, 盡最後一分力. 本人港島區, 票投1號區諾軒. 港島區繼羅冠聰被DQ後，率先參選補選的周庭再被DQ，由區諾軒頂上. 當初我係投羅冠聰. 乜嘢人支持建制派? 我覺得以下嘅人士支持建制派係合情合理, 亦都明白佢哋嘅決定. 1/ 短視的既得利益者, 已經移民成功,最緊要班人唔好搞亂香港. 不過就容許建制派長期慢慢搞亂香港就完全冇問題,生活係香港純粹係賺錢, 有得賺錢就好快啲賺,賺完拍下蘿柚離開香港. 2/ 老人院嗰啲阿公阿婆, 被人威逼利誘總動員去票站投票, 呢班活死人冇自己嘅思想, 佢哋投票都唔知做乜嘢, 院長叫投票就投票, 就係佢哋投票最大嘅理由. 3/ 學歷低唔識政治, 低下階層, 師奶, 覺得立法會要細細聲講嘢 聽阿爺話就係好孩子. 佢哋認為投建制係對個社會好, 減少社會嘅鬥爭,做正確嘅事. 4/ 都唔諗住生仔, 梗係著重短期利益, 長遠利益話知你死, 投建制派! 5/ 受到建制派地區工作嘅恩惠, 投票畀建制派就係報答平時建制派地區工作嘅恩惠. 以下我所講支持建制嘅人, 我就唔係好理解佢哋嘅想法. 同埋覺得呢班人好衰. 1/ 覺得民主派搞事, 拿取政治本錢希望當選, 索取議員高人工利用選民, 覺得呢班人邪惡至極, 勾結外國勢力, 所以投建制派, 弊就弊在自己又冇移民, 仲要生埋仔, 自己又係香港有一兩個單位, 又完全冇警惕倒共產黨回歸50年後好可能做嘅事情- 地租玩完強制收樓. 唔覺得自己為咗長遠發展應該要票投民主派, 等個仔大個嘅時候受到共產黨欺壓, 個仔就怒髮衝冠用隻手指住老豆個鼻質問:" 老豆點解你後生唔投票畀民主派, 依家共產黨害到我好慘." 2/ 辛苦走難移民到香港嘅新移民, 對共產黨不信任, 用隻腳投票-辛苦單程證落到嚟香港, 但係最後都要投票建制派, 令到香港變成中國, 咁當初點解要走難落嚟香港? 3/ 收到組織指示入侵功能組別(明明自己就唔係嗰一個組別嘅人), 聽阿爺配票. 出賣靈魂. 有人投白票廢票 呢班人有自己嘅睇法亦有佢自己嘅期望, 但係都有行使自己嘅公民責任, 我自己係專重呢啲人但係唔會鼓勵. 因為香港而家嘅環境,我覺得票投民主派都仲係一個最佳反抗選擇. 自稱自己冇

話說Unwire出咗個試玩派對,名額有60個先到先得. 隨時贏走 Galaxy S9+！csl x Samsung 2018 旗艦手機 Galaxy S9|S9+ 試玩派對 https://unwire.hk/2018/03/02/csl-samsung-s9/site_news/ 因為我用咗inoreader, 呢個post出咗兩個鐘我就喺 inoreader個軟件見到. https://blognorule.blogspot.hk/2017/12/inoreader.html 所以我就成功報咗名(用左inoreader收風快好正常),昨日禮拜五晚就去到圓方嗰度試玩. 同埋活動有機會贏到Galaxy S9+, 最後畀人贏咗, 玩遊戲要打電話去一個佢即場公報既號碼,打電話唔夠人快. 恭喜中咗獎嘅人, 打電話咁快, 咁有效率抵你有獎攞. 自己已經捉心理打定電話6字開頭, 因為佢拎得出嚟畀大家打電話嘅號碼一定係為活動而準備嘅號碼, 九成九係6字開頭! 自己事後先覺得白痴咗, 佢個遊戲玩法一講打電話嘅時候自己應該轉做3G network, 打電話應該快過用4G VOIP. 死人Unwire竟然冇兩大台柱出現, 雞蛋妹同埋娜姐! 是但一個都好吖,失望! 講返部Galaxy: -做工其實係好過iPhone, 邊位係做得好冇介手, Samsung其實做硬件係唔錯. -嚴重批評香港三星, 細機S9只係有容量64gb, 大機S9+ 容量有64gb 128gb 256gb. 其他國家S9有 128gb 256gb. 我最想買嘅S9 256gb 香港冇得賣, 問咗三星嘅主持人, 佢好禮貌咁樣話聽到我嘅意見, 會同公司反映. 但佢表示咗香港人比較鍾意大機(依家先知,之前以為一半半), 眼神再流露出"公司決定". 死鬼咗嘅蘋果教主喬布斯就深明此道, 手機嘅畫面應該去遷就一個細嘅螢幕去做設計.依家啲手機玩下手都去到六吋長, 完全係走火入魔壞風氣. 我亦唔明白香港人點解咁迷戀大機, 手機我覺得最緊要短小精幹, 想要大畫面何必不用iPad? 如果平時帶袋+手機放袋, 咁我覺得要大機都無可厚非. 希望啲人快啲明白電話嘅大細先至係關鍵重要, 能夠單手操控嘅電話係效率嘅根源. 畫面大其實對睇戲嘅爽快感係有提升, 不

因為本來買美股都要轉左美元先入到貨,今日見日元抽上去, 因為之前D日元低水買, 不如轉做美元, 日元清倉, 106點幾.用渣打銀行轉.