投資最重要的事情是了解政治, 比分析圖表及分析公司更為重要.

投資最重要的事情是了解政治, 比分析圖表及分析公司更為重要.

昨日立法會補選, 小弟當然票投民主派, 盡最後一分力.
本人港島區, 票投1號區諾軒.

港島區繼羅冠聰被DQ後，率先參選補選的周庭再被DQ，由區諾軒頂上.
當初我係投羅冠聰.

乜嘢人支持建制派?
我覺得以下嘅人士支持建制派係合情合理, 亦都明白佢哋嘅決定.
1/ 短視的既得利益者, 已經移民成功,最緊要班人唔好搞亂香港.
不過就容許建制派長期慢慢搞亂香港就完全冇問題,生活係香港純粹係賺錢, 有得賺錢就好快啲賺,賺完拍下蘿柚離開香港.
2/ 老人院嗰啲阿公阿婆, 被人威逼利誘總動員去票站投票, 呢班活死人冇自己嘅思想, 佢哋投票都唔知做乜嘢, 院長叫投票就投票, 就係佢哋投票最大嘅理由.
3/ 學歷低唔識政治, 低下階層, 師奶, 覺得立法會要細細聲講嘢 聽阿爺話就係好孩子. 佢哋認為投建制係對個社會好, 減少社會嘅鬥爭,做正確嘅事.
4/ 都唔諗住生仔, 梗係著重短期利益, 長遠利益話知你死, 投建制派!
5/ 受到建制派地區工作嘅恩惠, 投票畀建制派就係報答平時建制派地區工作嘅恩惠.

以下我所講支持建制嘅人, 我就唔係好理解佢哋嘅想法. 同埋覺得呢班人好衰.
1/ 覺得民主派搞事, 拿取政治本錢希望當選, 索取議員高人工利用選民, 覺得呢班人邪惡至極, 勾結外國勢力, 所以投建制派,
弊就弊在自己又冇移民, 仲要生埋仔, 自己又係香港有一兩個單位, 又完全冇警惕倒共產黨回歸50年後好可能做嘅事情- 地租玩完強制收樓.
唔覺得自己為咗長遠發展應該要票投民主派, 等個仔大個嘅時候受到共產黨欺壓, 個仔就怒髮衝冠用隻手指住老豆個鼻質問:" 老豆點解你後生唔投票畀民主派, 依家共產黨害到我好慘."
2/ 辛苦走難移民到香港嘅新移民, 對共產黨不信任, 用隻腳投票-辛苦單程證落到嚟香港, 但係最後都要投票建制派, 令到香港變成中國, 咁當初點解要走難落嚟香港?
3/ 收到組織指示入侵功能組別(明明自己就唔係嗰一個組別嘅人), 聽阿爺配票. 出賣靈魂.

有人投白票廢票
呢班人有自己嘅睇法亦有佢自己嘅期望, 但係都有行使自己嘅公民責任, 我自己係專重呢啲人但係唔會鼓勵.
因為香港而家嘅環境,我覺得票投民主派都仲係一個最佳反抗選擇.

自稱自己冇登記做選民, 政治唔關我事唔投票自我感覺良好.
多多藉口. 呢班人又係衰.
1/唔去投白票廢票, 費事畀共產黨攞咗自己張票做手腳.
2/唔投票費事出事, 唔做唔錯.
3/懶惰, 唔想投票就醜化嗰啲議員做唔到嘢.

焦土政策特登投票畀建制派.
想法係非常正義, 但係都要顧及成功率, 以下模擬兩個結果.
1/ 焦土政策成功,全香港人醒覺, 再感染中國醒覺, 一齊推翻共產黨政權.
2/ 焦土政策成功,共產黨推出新一代智能身份證, 晶片直接植入腦袋, 只要大叫打倒共產黨, 又或者未經授權衝入立法會或者行埋雜種身邊, 晶片就會直接爆炸.
結局2雖然好誇張(其實一啲都唔誇張啲動物都有晶片植入身體), 成功率嘅機會率嚟講, 2係絕對大機會過1.

修憲高票通過，習近平笑逐顏開，李克強、張德江等人愁眉苦臉,唔駛爆炸晶片,用權力都可以令你聽話.

政治取態同宗教信仰冇咩大分別, 基本上自己表態支持一個黨派, 之後好難會轉軚承認自己錯誤, 人在錯誤面前往往先搵出原因藉口去支持自己嘅觀點. 總之自己冇錯係人哋錯.基本上死到臨頭先至會轉軚.

至於我嘅政治取態, 可以話係利益同埋正義之間盡量取得一個平衡.
利益: 票投民主派可以減慢香港赤化, 自己就趁住呢段時間快啲賺多啲錢, 然後移民.
正義: 自己依家冇拍拖, 死咗都唔緊要, 如果真係有一位革命家帶領大家搞革命, 咁我都唔介意自己條小命豁出去. 不過呢個可能性係最冇乜可能, 革命偉人唔係話有就有.
意外: 如果自己唔好彩以後有啲絕症, 得返幾個月命嗰啲, 條命都就嚟冇不如搵個機會隊冧壞事做盡嘅人.

最緊要係可能性同埋自己嘅利益取得一個平衡.
指責投票民主派派嘅人含淚投票, 我覺得應該先指責建制派, 指責建制派指責到令民主派變成議會大多數, 到時再指責嗰啲你覺得係民主派為明撈油水為實既賤人都仲有時間.

留低喺香港搵錢嘅時間已經越嚟越少.
1/移民.
2/少留港幣,一籃子貨幣.
3/知道邊個屋企人打算投建制派,投票日前3日後3日就自費請佢去旅行離開香港. 放心投建制派嘅人短視無比, 請佢去旅行一定唔會去投票. 呢啲計策畀嗰啲什麼焦土政策更加有效.
4/自己做到乜就盡量做, 好似自己投票日一定會記低唔會畀自己離開香港, 務求令到自己一定投到票.