任天堂Switch炒價入手, 加 Mario Kart 8 Deluxe + Zelda breath of the wild

炒價HKD$2680入手, 其實好柒同好唔應該, 不過真係忍無可忍了.

橋本BB都買左Switch

Switch有咩買點就唔多講啦其實上網好多地方都有

直接總結我嘅心得(玩咗幾日)
首先Docking會整花個mon, switch一定要買螢幕保護貼, 同我留意到黃金電腦城賣嘅HORI玻璃貼好似全部都係假嘢所以大家小心.

同埋HORI玻璃貼喺日本亞馬遜嘅評價都係極度差基本上玻璃貼就唔使揀HORI.

第二就係佢嗰個 online game store, 未開放香港, 依家唔敢喺game store度買game或者dlc,怕佢第時有啲嘢要用返香港game store多先有效.

任天堂有一個搞笑嘅機制, online買咗個遊戲只可以綁定喺一部switch上面, 如果你部switch唔見左, 你嘅遊戲就要重新購買, 所以依家我都只係夠膽買實體版嘅遊戲卡, 同埋第一時間記低switch嘅serial number, 希望佢未來可以出到遙控解鎖.

簡單介紹一下薩爾達, 其他大作往往係睇戲多過似打機, 首先係有主線任務, 然後你要滿足主線任務或者要過關, 就要打怪或者要耕田, 基本上薩爾達三月一出, 2017年所有大作都好多唔敢出, 全部延期係2018年, 薩爾達亦都訂立咗遊戲嘅新標準, 以後邊啲game打住open world game賣點都會畀人哋恥笑

孖寶賽車8, 打機唔叻到到高手都啱玩, 點都要買一隻招呼朋友.

遲啲去買亞馬遜買埋啲週邊產品.